Loading...

Përsheshi me Pulë – Shija më Fantastike e Traditës


Përsheshi me pulë është një ndër gatimet më të shijshme, autentike të kuzhinës tradicionale shqiptare. Foto:


Përsheshi me pulë është një ndër gatimet më të shijshme, autentike të kuzhinës tradicionale shqiptare.

Një  traditë e vjetër kjo, ku prej dekadash me radhë vijon të mbizotërojë në familjet shqiptare në darkën e vitit të ri si dhe në festa e gëzime familjare.

AgroWeb.org u sugjeron më poshtë recetën tradicionale të gatuara nga amvisat shqiptare, atë të përsheshit me pulë.

Përgatitja e Përsheshit me Pulë
Si fillim vendosim pulën të ziejë në një tenxhere me ujë dhe kripë. Kur mishi i pulës të jetë gati, lëngun e saj e ruajmë mënjanë pasi do përdoret për përgatitjen e përsheshit.

Ndërkohë nisim përgatitjen e kulaçit, për të cilin do të duhet 1 kg miell, 1 lugë çaji sodë buke, dy vezë, kripë dhe ujë i vakët.

Nisim përgatitjen e brumit duke hedhur miellin në një tepsi. Bëjmë një gropë në mes dhe hedhim, kripën, sodën dhe vezët.

Kulaçi
Brumin e punojmë me dorë deri në momentin që masa do të bëhet kompakte por jo shumë e ngurtë.

Përmes furçës së gatimit lyejmë një tepsi me pak vaj dhe shtrojmë brumin.

E fusim në furrë dhe e pjekim derisa në sipërfaqe të marrë një ngjyrë të artë në të kuqërremtë.

Më pas e nxjerrim nga furra dhe e mbështellim me një pecetë kuzhinë, e vendosim mbi një pjatë dhe e lëmë që të kullojë.

Përsheshi
Për përgatitjen e përsheshit baza është kulaçi i thërrmuar dhe lëngu i pulës.

Gjithashtu do të duhen 4-5 qepë të njoma, gjalpë ose vaj ulliri, kripë dhe nenexhik.

Në një tenxhere shtojmë vajin e ullirit dhe pak gjalpë, shtojmë qepët e njoma të grira hollë. I kavërdisim derisa volumi i tyre të bjerë.

Kulaçin të cilin e kemi thërrmuar më parë në copëza të vogla e shtojmë në tiganin ku kemi qepët dhe e kavërdisim pak.

Më pas, AgroWeb.org ju këshillon që nga pak të hidhni lëngun e pulës derisa sipërfaqja e kulaçit të jetë mbuluar. Shtoni erëzat dhe kripën. Përsheshin mbulojeni me kapak derisa lëngu të ketë avulluar dhe të jetë bashkuar me kulaçin.


Përsheshin e shërbejmë të ngrohtë, të shoqëruar me një copë nga mishi i të pulës. 

Shurupi i Rozmarinës për Shëndetin e Zemrës dhe Tensionin


Rozmarina përmban disa substanca të mira për stimulimin e sistemit imunitar. Foto:


Rozmarina është një bimë shumë e përhapur në rajonin e Mesdheut.
Ajo vlerësohet jashtëzakonisht shumë për aftësinë që ka në përmirësimin e shëndetit mendor.
Në mjekësinë tradicionale aziatike, rozmarina është përdorur prej shekujsh si tonik për trurin, shëndetin e veshkave, heqjen e toksinave, stabilizimin e tensionit të gjakut dhe shëndetin e zemrës.
Në këtë artikull të AgroWeb.org do të mësoni më shumë se si të përgatisni në shtëpi një shurup ideal me rozmarinë për të forcuar zemrën dhe normalizuar tensionin e gjakut.

Përbërësit:

5 degë rozmarine
3 limonë të ndarë në feta
1 litër ujë të ftohtë
250 gramë sheqer (AgroWeb.org, sugjeron sheqerin kaf)

Përgatitja:

Ngroheni ujin në një tenxhere dhe shtoni sheqerin, fetat e limonit dhe në fund 5 degët e rozmarinës të freskët.
Në pamundësi mund të përdorni edhe të thatë.
Ziejini deri sa lëngu të shterohet në gjysëm litri dhe më pas lëreni të ftohet mënjanë.
Pasi të jetë ftohur, kullojeni lëngun dhe futeni në një enë qelqi të puthitur me kapak.

Sasia e Nevojshme e Shurupit Të Rozmarinës

Çdo mëngjes duhet të konsumoni 20 mililitra ose një lugë e gjysmë gjelle me shurupin e rozmarinës.
Shurupin duhet ta konsumoni me stomak bosh.

Vlerat e Rozmarinës

Rozmarina përmban disa substanca të mira për stimulimin e sistemit imunitar.
Ajo përmirëson qarkullimin e gjakut dhe ndihmon me tretjen.
Rozmarina ka përbërë anti inflamatorë të nevojshëm për të luftuar azmën.
Për më tepër, rozmarina shton furnizimin me gjak të trurit dhe kokës dhe si rrjedhojë ndihmon me përqendrimin.
Rozmarina është një burim i mirë i vitaminës A.
Nuk duhet të habiteni nëse aroma dhe shija e kësaj bime që rrisin kujtesën është e vështirë të të hiqet nga mendja.
Ajo të sjell ndër mend detin dhe pyllin, por edhe një pjatë të mirë e të shijshme.
Kurdo që të jetë e mundur, zgjidhni rozmarinë të freskët, sepse ajo është më superiore se rozmarina e thatë.
Rozmarina e freskët duhet të jetë në ngjyrë të gjelbër të ndezur dhe të mos ketë pika të verdha apo të errëta.
* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Romaneska, Perimja e Re e Fermave Shqiptare


Në të njëjtën mënyrë si brokoli dhe lulelakra, edhe perimja Romaneska është e mbushur me fibra të dobishme që përmirësojnë tretjen. Foto:

Romaneska është një nga perimet me interesante që mund të gjesh në treg.
Ajo bie menjëherë në sy për shkak të formës dhe kurorës krejt jashtë të zakonshmes, e megjithatë ka shumë konsumatorë që hezitojnë ta përfshijnë në ushqimet e tyre të përditshme.
Romaneska i përngjan shumë brokolit dhe lulelakrës, por ngjan me një lule të mirëfilltë.
Kjo perime gjendet kryesisht në Itali, por së fundmi ka zbarkuar edhe në tregjet e Shqipërisë. Në treg, Romaneska ka një çmim mesatar prej 400 lekë për kilogram.
Ajo është një nga perimet më të shijshme por edhe me paraqitjen më të veçantë që do të gjeni ndonjëherë.
Disa ferma me numër të konsiderueshëm hektarësh në vend po e kultivojnë me sukses duke lëvruar kryesisht tregun e huaj me këtë prodhim.
Me shtimin e kultivimit dhe prodhimit, shumë shpejt do të gjeni edhe në tregun tuaj Romaneskën Shqiptare.
Më poshtë do të gjeni disa prej vlerave të saj të renditura nga AgroWeb.org.
Përmirëson qarkullimin e gjakut – Romaneska është një perime e pasur me hekur, një mineral që rrit prodhimin e qelizave të kuqe të gjakut.
Kjo nënkupton se organizmi furnizohet me më shumë oksigjen dhe ushqyes.
Përmirëson funksionet e trurit – Rritja e qarkullimit të gjakut është thelbësore për funksionet e trurit.
Sa më shumë oksigjen dhe ushqyes të shkojnë në tru, aq më të shëndetshme dhe më të shpejta do të jenë funksionet e tij.
Lufton infeksionet – Antioksidantët, vitaminat dhe mineralet tek kjo perime ndihmojnë oganizmin të luftojë infeksionet dhe sëmundjet.
Përmirëson tretjen – Në të njëjtën mënyrë si brokoli dhe lulelakra, edhe perimja Romaneska është e mbushur me fibra të dobishme që përmirësojnë tretjen.
Ul kolesterolin dhe sheqernat – Falë pranisë së fibrave, Romaneska arrin të ulë nivelin e kolesterolit dhe mban sheqernat nën kontroll.
Forcon zemrën – Falë hekurit, vitaminës K, acideve yndyrore Omega 3 dhe vitaminave të kompleksit B, zemra do të jetë e fortë dhe shëndetplotë.
Largon radikalet e lira – Fibra dhe antioksidantët në këtë perime shërbejnë si mburojë kundër radikaleve të lira, të cilat shkaktojnë probleme të rënda shëndetësore.

Si ta gatuani Romaneskën


Kjo perime është shumëpërdorimëshe si brokoli dhe lulelakra.
AgroWeb.org do të ndajë me ju disa nga sugjerimet e panumërta për gatimin e Romaneskës.
Atë mund ta kavërdisni thjesht me pak vaj ulliri, hudhër, ose gjalpë. Ky i fundit i jep tufave të Romaneskës një shije fantastike, ndërsa hudhra e plotëson në çdo detaj.
Mund ta gatuani me avull dhe ta spërkatni me pak uthull dhe vaj ulliri. Mund ta përzieni me brokolin dhe lulelakrën në gatimet me djathë, makarona, pulë ose çdo gatim tjetër.
Mund të jini më krijues dhe ta kombinoni me spinaqin, lakrën dhe perime të tjera.

Ëmbëlsirë me mollë pak më ndryshe

Përbërësit:

Për bazën:
  • gjysmë gote miell
  • gjysmë gote tërshërë
  • gjysmë gote sheqer integral
  • gjysmë luge e vogël pluhur për pjekje
  • 1/4 e lugës së vogël kanellë
  • pak krip
  • 1/3 e gotës buter
Për fillin:
  • 3-4 molla të qëruara dhe të grira
  • 3 lugë gjelle buter i shkrirë
  • 2 lugë gjelle miell
  • 1 lugë gjelle lëng limoni
  • 3 lugë gjelle qumësht
  • 1 lugë e vogel vanilë
  • 1/4 e gotës sheqer inegral
  • gjysmë luge e mesme kanellë
  • pak krip
Përgatitja:
Nxeni furrën në 180 gradë.
Për bazën. Në një enë të thellë përzieni të gjithë përbërësit, me dorë ose me blender. Futeni në frigorifer derisa e përgatisni fillin.
Për fillin. Në një enë kombinoni buterin e shkrirë dhe miellin deri sa të përzihen mirë. Shtoni lëngun e limonit, qumështin dhe vanilën, dhe përzieni mirë. Shtoni edhe kanellën, sheqerin integral dhe kripën.
Shtoni këtë përzierje te mollat e grira. Shtroni në një tepsi të vogël. Shtoni përmbi edhe bazën e përgatitur më herët. Piqeni për 30-35 minuta. Pasi ta largoni nga furra, lëreni të pushojë për 10 minuta.
Servojeni me akullore dhe me sos karameli.

Çokollata


Çokolatë me vetëm dy përbërës, e lehtë dhe e shpejtë.

Përbërësit:
  • 3 gota me çokollatë për zierje
  • 300 ml qumësht i kondenzuar
Përgatitja:
Në një enë kombinoni të dy përbërësit, dhe futini në mikrovalë për tre min, ose shkrijini në avull. Pastaj transferojini në një enë të përshtatshme për ngrirje. Pasi ti nxirrni i preni në kocka të vogla.
Në këtë masë mund të shtoni e të bëni kombinime që ju i preferoni.

Torte e Lehte



Një tortë e lehtë për t’u përgatitur dhe për t’u ngrënë.

Përbërësit:
  • 600 gr biskota të bluara
  • 250 gr buter
  • 2 qokolata për zierje
  • 2 lugë të mëdha sheqer pluhur
  • 1 puding vanile
  • 6 lugë sheqer
  • 800 ml qumësht
  • 200 gr kokos
  • 2 paketime jafakeks
  • 200 ml krem pana të ëmbël
Përgatitja:
Përgatisni shtresën e parë. Shkrini buterin, shtoni qokolatat për zierje, përzieni mirë dhe shtoni sheqerin pluhur e biskotat. Ketë masë rrafshojeni në tavë.
Përgatisni shtresën e dytë. Zieni qumështin me puding dhe 6 lugë sheqer, derisa të trashet mjaftueshëm. Largojeni nga zjarri dhe shtoni kokosin. Këtë masë shtrojeni mbi shtresën e parë.
Mbi shtresën e dytë renditni jafakeksa, mbi ta shtoni kremin pana të rrahur.
Servojeni të ftoht.

Ëmbëlsirë pa miell



Përbërësit:
  • 500 gram çokollatë për zierje
  • 1/2 e gotës buter
  • 6 të verdhë vezësh
  • 1/2 e gotës sheqer
  • 1/2 e gotës krem pana
  • 1 lugë gjelle sheqer vanilje
  • 6 të bardhë vezësh
për lyerje:
  • 500 gram çokollatë për zierje
  • 3/4 e gotës krem pana
  • 1 lugë gjelle mjaltë

Përgatitja:
Nxeni paraprakisht furrën në 200 gradë.
Në një enë në avull shkrini çokollatën dhe buterin, pasi të shkrihen largoni me një anë. Pasi të ftohen pak, shtoni të verdhët e vezëve, sheqerin, sheqer vaniljen dhe kremin pana. Përzieni mirë.
Në një enë të thellë, rrahni me mikser të bardhët e vezëve. Shtoni pastaj tek ena me çokollatë, dhe përzieni me kujdes me anë të lugës.
Masën derdheni në tavë të lyer me kakao. Piqeni për dyzet minuta.
Përderisa ëmbelsira të piqet, përgatisni kremin për lyerje. Në një tenxhere të vogël derdhni kremin pana, shtoni çokollatën. Pasi të shkrihet, largojeni nga nxehtësia dhe shtoni mjaltën. Me këtë krem, lyeni ëmbëlsirën.
Zbukurojeni me gjethe rozmarine dhe me qershi.

Gjellë me kungulleshkë dhe patëllxhan



Një ndër gjellat më të shijshme të përgatitura ndonjëher, nga e cila përfitoni maksimalisht nga vitaminat dhe mineralet.

Përgatitja

Përbërësit

  • 300 gram mish viçi të zier
  • 1 supë
  • 2 kungulleshka
  • 2 patëllxhan
  • 1 gjethe dafine
  • kripë, piper të zi, bozilok
  • 1 karrotë
  • 1 qepë
  • 200 gram kërpurdha

Udhëzimet

Zihet mishi, fërgohet qepa, karrota dhe kërpurdhat shtohet edhe mishi i zier dhe kriposen dhe u hidhet piperi. Priten patëllxhanët dhe kungulleshkat dhe shtohen në tigan edhe ato për 5 minuta. Përgatitet supa dhe tek supa shtohen të gjithë përbërësit. Zihen për disa kohë derisa gjella të jetë gati, zihen në temperaturë mesatare. Ju bëftë mirë

Gjellë me gjoks pule


\
Gjellë e lehtë dhe e shijshme.

Përbërësit:
  • 500 gr gjoks pule
  • 1 qepë e madhe
  • 2 speca jeshil
  • 1 karrotë
  • erëza të përziera
  • piper i zi
  • mëlmesë keri
  • vaj
  • 200 gr ajkë
Përgatitija:
Në një tigan të thellë ne temperaturë mesatare qesim vajin dhe qepën e grirë imët, e lemë të skuqet derisa qepa të marrë ngjyre ari. Shtojme specat e grire dhe karroten e grirë, i fërgojmë edhe për 3 minuta.
Mishin e gjoksit të pulës e presim në copa të vogla në formë të kockave dhe e shtojmë në tiganin ku janë duke u fërguar perimet. Shtojmë edhe mëlmesat. Pasi t’i fërgojmë për 5 minuta duke i përzier herë pas here, shtojmë një gotë ujë, e mbulojme me kapak dhe e lëmë të zihen për 10-15 minuta.
Pasi të zihet dhe të avullohet pothuajse i gjithe uji, shtojmë ajkën, e përziejmë mirë dhe e largojmë nga zjarri

Këpurdha me qepë të karamelizuara



Kjo mënyrë e përgatitjes së këpurdhave është një prej mënyrave më të shpejta dhe më të mira të gatimit të këpurdhave. Të përziera me qepët e karamelizuara, marrin një shije të jashtëzakonshme. Duke u shtuar edhe pak verë, i bën të parezistueshme!

Përbërësit:
  • 300 gr këpurdha të freskëta
  • 1 qepë e mesme, e copëtuar
  • 1 thelb hudhre
  • 2 lugë gjelle vaj ulliri
  • 1 luge sos soje
  • 60 ml verë të bardhë
  • krip dhe piper i zi
  • majdanoz i freskët
Përgatitja:
Nxeni vajin në temperaturë mesatare, shtoni qepën dhe hudhrën dhe fërgoni për 3-5 minuta, derisa të zbuten.
Shtoni këpurdhat dhe fërgoni për 10 minuta, duke i përzier shpesh.
Shtoni sosin e sojës, kripën dhe piperin, verën, dhe lërini në zjarr derisa vera të avullohet, për rreth 3-5 minuta.
Largoni nga nxehtësia dhe shtoni majdanozin e grirë imët. Servoni menjëherë.

Roladë me patate


Përbërësit:

  • 6 patate
  • 2 gota djath parmezan
  • 3 lugë të vogla kripë
  • 4 lugë të mëdha vaj ulliri
  • 1 qepë
  • 500 gr mish i bluar viqi
  • 500 gr salcë domatesh
  • 4 lugë të mëdha majdanoz i grirë
  • gjysmë luge të vogël piper i zi
  • 6 gota spinaq
  • 2 thelpinjë hudhre
  • 1 gotë djath rikota
Përgatitja:
Nxeni furrën paraprakisht në 180 gradë.
Me ndihmën e thikës, preni patatet në copa me trashësi 6mm.
Në letër kuzhine të shtruar në tepsi, vendosni gjysmën e parmezanit, dhe shpërndajeni mirë në tërë sipërfaqen. Vendosni patatet mbi parmezan, duke i renditur në mënyrë që mos të mbes asnjë hapsire, ku secila patate e mbulon ngapak patatetn tjetër. Shtoni pjesën tjetër të parmezanit mbi patate. Shtoni një lugë të vogël krip, dhe futeni në furrë për 30 minuta.
Në një tigan, nxeni 2 lugë vaj ulliri në temperaturë mesatare. Pasi të nxehet vaji mirë, shtoni qepët e grira, dhe fërgoni derisa qepët të karamelizohen, për 15 minuta. Shtoni mishin, dhe fërgoni derisa të jetë gati. Shtoni sosin e domateve, 3 lugë majdanoz, 1 lugë të vogël krip, piperin e kuq dhe të zi. Vazhdoni ti fërgoni edhe për pak minuta. Largoni nga nxehtësia.
Në një tigan me dy lugë gjelle vaj ulliri, në temperaturë mesatare, shtoni spinaqin, 1 lugë krip dhe hdhrën, Gatuani për 10 min dhe largoni nga nxehtësia.
Në një enë të thellë kombinoni spinaqin dhe rikotën. Këtë përzierje, shtoni mbi patate, pastaj shtoni përzierjen me mish, dhe shtoni mocarella.
Me ndihmën e letrës së kuzhinës, formoni roladë. Futeni në furrë për 15 min. Në fund zbukurojeni me majdanoz të grirë dhe parmezan.

Oriz me perime



Super recetë e lehtë për tu përgatitur në shtepi.

Përbërësit:
  • 3 thlepinjë hudhre të grirë imët
  • 1 lugë e vogël gjingjer pluhur
  • 3 lugë të medha qepë të grira imët
  • 1 gotë me perime të përziera
  • 3 vezë të mëdha
  • 4 gota oriz i zier
  • 2-3 lugë soja sos
  • fara susami
  • krip dhe piper i zi
  • fara të specave të kuq
  • mish pule i grirë në kocka të vogla
Përgatitja:
Në një tigan të nxehtë vendosni një lugë gjelle vaj gatimi, shtoni perimet dhe fërgoni për 10 sekonda. Shtoni hudhrën, gjingjerin dhe qepën, dhe fërgoni edhe për 2 minuta. Masën transferojeni në një pjatë dhe lëreni anash.
Kthejeni tiganin në zjarr dhe shtoni 2 lugë vaj, vendosni vezët e rrahura, përzieni mirë derisa të jenë gati. Shtoni mishin e zier dhe fërgoni edhe për 1 minut. Shtoni orizin e zier, dhe përzieni mirë për 2 minuta në zjarr.
Shtoni soja sosin, farat e specave të kuq, fërgoni edhe për 2 min. Shtoni në tigan perimet e fërguara. Shtoni krip dhe piper te zi.
Kur ta shërbeni shtoni përmbi fara susami.



Ajvarë shtëpie

 Përbërësit

10 kg specate kuq
5 kg domatete kuqe
5 patëllxhanë
5 karrota
4 luge kripë(ose sipas shijes)
4 luge sheqer
1 luge uthull
500 ml vaj

Hapat

1
Domatet i ngrijme,pastaj i kalojme neper uje te nxehte dhe qerojme me lehte.
2
Domatet i leme te kullohen per disa ore.
3
Ne nderkohe specat i largojme farat,pjekim ne furre,mbulojme ene me kapak dhe leme te pushojne per 1-2 ore.
4
Pastaj psecat i qerojme,bluajme ose grijmem imet me thike.
5
Ne nje ene te madhe qesim patellgjanet e qeruar dhe te bluar,karrotat e bluara ne rende dhe vajin.
6
Pasi te jene ferguar per 5-10 minuta ne zjarre te ngadalshme dhe jane zbutur mire,shtojme specat e bluara.
7
Fergojme edhe per 10 minuta,pastaj shtojme dhe purene nga domatet e bluara.
8
Vazhdojmem me zierjen derisa masa te jete kompkate e trashe dhe yndyra te del persiper .
9
Ne fund shtojme kripen sheqerin dhe uthullen e sallates.
10
Perzijme edhe per 10 minuta dhe qesim ajvarin neper kavanoze te sterilizuara me pare dhe mbyllim hermetikisht.
11
Nese vendosni te beni sasi me te madhe kavanozet pas mbushjes verini ne makinen per larjen e eneve ne program te shkurter,(pa i shtuar detergjent)dhe lerini aty derisa te ftohen ose mund ti veni ne nje ene me uje deri ne gjysmen e kavanozeve dhe vlojme ujin per 5 minuta.
12
Pasi te largojme nga zjarri,kontrollojme edhe nje here kapaket mos jane liruar nga nxetesia dhe mbyllim mire hermetikisht(derisa i kontrollojme i sjellim vetem nga ana qe mbyllet e jo nga ajo ti hapim kapaket).
13
Ajvarin e leme ne vend te fresket dhe mund ta perdorni per kohe te gjate

Pasta me mish

Përbërësit:
  • 100 gram mish i terur i copëtuar
  • 300 gram gjoks pule
  • 2 lugë gjelle buter
  • krip dhe piper
  • 2 lugë gjelle majdanoz
  • 3 thelpinjë hudhre të grirë imët
  • 3/4 e gotës qumësht
  • 1/4 e gotës krem pana
  • 1 gotë lëng mishi
  • 3 lugë gjelle miell
  • 3/4 e gotës djath parmezan
  • 400 gram pasta
Përgatitja:
Fërgoni mishin e terur. Fërgoni gjithashtu mishin e pulës të prerë në kocka të vogla, me buter dhe krip e piper.
Zieni pastat dhe leni me një anë.
Përgatisni sosin: Në një tigan fërgoni hudhrat, shtoni qumështin, kremin pana, lëngun e mishit dhe  miellin. Fërgoni të gjitha bashkë duke i përzier vazhdimisht derisa të trashet, për rreth 7 minuta.
Shtoni parmezanin, dy llojet e mishit, majdanozin, dhe kripën e piperin sipas shijes.
Shërbeni të ngrohta.

Tavë me patate dhe qumësht

Kjo recetë e përgatitjes së patateve realizohet në pak minuta dhe ka një shije për tu patur zili! Qumështi dhe gjalpi Lufra do ti jap kësaj recete, shijen që ju amvisa meritoni!


Përbërësit
  • 2 gota qumësht ("Lufra")
  • 4 kokrra patate (të prera në feta të holla)
  • 1 pako gjalpë ("Lufra")
  • kripë
  • rozmarinë
  • 100 gr djathë kaçkavall
Përgatitja
1
Merrni një tavë dhe e lyeni me pak gjalpë Lufra. Qëroni patatet dhe i shtroni me kujdes. Sipër i shtoni pak kripë dhe qumështin Lufra.
2
Shtoni rozmarinën dhe djathin kaçkavall të prerë në pjesë të vogla. Në fund shtoni pak gjalpë Lufra në të gjithë tavën.
3
E fusni në furrë për 1 orë, në temperaturë 120 gradë. Pasi tw jetw gati e nxirrni nga furra dhe shijojeni!

Lexoni Me Shume